ကမ်းရိုက်တဲ့လှိုင်း

နီးလျက်နဲ့ဝေး…။ ထိုစကားကို ပါးစပ်ဖျားက အလွယ်တကူ ပြောခဲ့ဖူးပေမယ့် ခုကိုယ်ကိုယ်တိုင် ခံစားရတော့မှ လွယ်ကူလှသော ခံစားချက် မဟုတ်မှန်းသဘောပေါက်လိုက်သည်။ အသက် ၃၀ ဆိုသည်မှာ မိန်းကလေး တစ်ယောက်ကို အရူးအမူး ညှိတွယ်သင့်သည့်အရွယ်မဟုတ်တော့။ မိန်းမတစ်ယောက်ကြောင့် ညညအိပ်မပျော်နိုင် ဟု ၀န်ခံရန်လည်း ရှက်မိပါသည်။ ပူပူနွေးနွေးလက်ထပ်ယူထားသော ဇနီးသည် စုစုလှိုင် ၏ သံသယကင်းသည့် မျက်ဝန်းများကို ရင်ဆိုင်ရန်လည်းရှက်မိသည်။ ပို၍ရှက်မိသည်က ကျွန်တော့်အသည်းနှလုံးကို ဆုပ်ခါနေသူ မိန်းကလေးမှာ ယုယုလှိုင် ဖြစ်နေခြင်းပင်။

***

‘ဒါ စု အစ်မလေ။ စင်ကပူကနေ မနေ့ကမှပြန်ရောက်တာ။ စကောလားရှစ်နဲ့ ဘွဲ့လွန်ရလာတာနော်။ ခေသူမဟုတ်ဘူး။ အိုင်တီနဲ့ ပတ်သတ်လာရင် ယု ကိုသာမေး။ ကွန်ပြူတာ တစ်ခုလုံးကို ကိုက်စားထားတဲ့သူ။ သူမသိတာမရှိဘူး။ တစ်နေ့တစ်နေ့ ကွန်ပြူတာ မျက်ခွက်ကိုဘဲ ကြည့်ကြည့်နေလို့ ခုထိ ရည်းစားမရှိ အပျိုကြီးဖြစ်နေတာဘဲကြည့်။’ မင်္ဂလာပွဲကျမှ စတွေ့ဖူးတဲ့ ခယ်မဖြစ်သူ ယု အကြောင်း သတို့သမီး စု က မနားတန်းပင် ချီးမွန်းခန်းဖွင့်နေသည်။ ယု ကတော့ အချင်းချင်း မြှောက်နေပြန်ပါပြီ ဟုဆိုကာ ဖွဖွလေး ပြုံးသည်။ ထိုအချိန်တုန်းကတော့ ယုယုလှိုင်ကို တည်ငြိမ်အေးချမ်းသော အပြုံးပိုင်ရှင်လေး တစ်ယောက် အဖြစ်သာ မှတ်မိခဲ့ပါသည်။

လက်ထပ်ပြီးတော့ တစ်ကောင်ကြွက်ဖြစ်တဲ့ ကျွန်တော်ကဘဲ စု တို့အိမ်မှာနေဖြစ်ခဲ့ပါသည်။ ကျွန်တော်ကိုယ်တိုင်က အိမ်အသစ်တစ်လုံး ၀ယ်ရန် အခြေအနေမပေးသည်က တစ်ကြောင်း၊ စု မိဘတွေက စုကိုမခွဲနိုင်၍ တစ်နှစ်လောက်တော့ အိမ်ခွဲမနေရန် တောင်းပန်လာသည်ကတစ်ကြောင်း လို့ဘဲဆိုရမည်။ စု က ၁၀တန်းပြီး သက္ကသိုလ် ဆက်မတက်ချင်ဘူး ဆိုကာ မော်ဒန်သင်တန်း တက်လိုက်၊ အရံအဆိုတော်လုပ်လိုက်ဖြင့် ယောင်ခြောက်ဆယ်လုပ်နေသူဖြစ်သည်။ အရွယ်လေးကလည်းကောင်း၊ ကိုယ်လုံးကိုယ်ပေါက်ကလည်းရှိ၊ ထိုကိုယ်လုံးလေးကို အသားပေးသည့် ခပ်ကျပ်ကျပ် ခပ်တိုတို ခောတ်ဆန်ဆန် အ၀တ်အစားများလည်း ၀တ်လေ့ရှိသော စု ကိုလိုက်ပိုးပန်းသူမနည်းပါ။ ကျွန်တော်ကလည်း ထိုထဲမှတစ်ယောက်ပေပေါ့။ နောက်ဆုံးတော့ သူ့ထက်အသက် ၁၀နှစ်ကြီးတဲ့ ကျွန်တော့်ကို စုရွေးချယ်ခဲ့ပါတယ်။ စုက ကလေးစိတ်မကုန်သေး။ နွဲ့ဆိုးဆိုးတယ်။ သူမကြိုက်တာလုပ်မိရင်လည်း အကျိုးအကြောင်း ရှင်းပြခွင့်မပေးဘဲ ထင်ရင်ထင်သလို စိတ်ကောက်တတ်တယ်။ ဒါလေးတွေကိုဘဲ ချစ်နေရတာဆိုပြီး လိုက်ချော့ လိုက်မြူ နေရတာကိုဘဲ ပျော်ရွှင်စရာ တစ်ခုအဖြစ်ကျွန်တော်မြင်ခဲ့တယ်။ အဲဒါ ရည်းစားဘ၀တုန်းက အတွေး။

စုနဲ့လက်ထပ်လိုက်တာ အိပ်မက်တစ်ခုက လန့်နိုးလာသလိုပါဘဲ။ စိတ်ကူးယဉ်ဆန်တဲ့ အချစ်ကမ္ဘာလေးကနေ ရှုပ်ထွေးတဲ့ တကယ့်ဘ၀ကြီးထဲကို ပစ်ထည့်ခံလိုက်ရသူကျွန်တော်…. တကယ်တန်းကျတော့ ထင်သလောက်စိတ်ဓါတ်မကြံခိုင်ခဲ့။ နေ့တဓူဝ စုအကြိုက်လိုက်နေရတာကို ငြီးငွေ့လာခဲ့တယ်။ မော်ဒန်မင်းသားတွေ၊ အဆိုတော်ပေါက်စတွေနဲ့ ပါတီသွားသွားနေတဲ့ စုကို ငြိုငြင်လာခဲ့တယ်။
ဘာကိစ္စမှ တိုင်ပင်လို့မရ၊ အကြံပေးဖေါ်မရတဲ့ စုကို စိတ်ပျက်လာခဲ့မိတယ်။ ရုံးကမောမောပန်းပန်းနဲ့ ပြန်လာတဲ့ယောင်္ကျားကို အပြုံးနဲ့ကြိုဖို့ဝေးလို့ မုန့်ဟင်းခါးစားချင်တယ် ၀ယ်ပေးဆိုပြီး နှုတ်ခမ်းစူ တတ်တဲ့ စုအပေါ်….. အချစ်တွေတစ်နေ့တစ်ခြားလျော့နည်းလာခဲ့ရပါတယ်။

ကျွန်တော့်ရဲ့ မွန်းကျပ်နေတဲ့စိတ်တွေရဲ့ထွက်ပေါက်ကတော့ ယုပါ။ ညီအစ်မ ၂ယောက်ကတော့ ရုပ်ချင်းဆင်လို့သာ တစ်အမေ တစ်အဖေထဲ ကမွေးတယ်လို့ ယုံရမယ် ဗီဇချင်း အကျင့်ချင်းက တစ်ခြားဆီပါဘဲ။ ယု ကနိုင်ငံခြားပြန်သာဆိုတယ် အမြဲတမ်း မြန်မာထဘီကို ၀တ်ကျင့်ရှိသူ၊ ဖေါ်ရွေပြီး နှစ်လိုဖွယ် အပြုံးပိုင်ရှင်မို့ မြင်သူတိုင်းရင်အေးစေသူပေါ့။ ပြဿနာက ယု အလုပ်လုပ်နေတဲ့ ကုမ္ပဏီ နဲ့ ကျွန်တော် အလုပ်လုပ်နေတဲ့ ကုမ္ပဏီ ပူးပေါင်းလိုက်ရာကစတာပါ။ ယု ကိုကွန်ပြူတာကျွမ်းကျင်သူလို့ သိထားပေမယ့် တကယ်အတူတူအလုပ်လုပ်ကြည့်တော့မှ ကျွမ်းကျင်တာထက်ကို ပိုပြီး သိနေတတ်နေတဲ့သူမှန်း ကြုံတွေ့လိုက်ရတော့တယ်။ ကိုယ့်ထက်လပိုင်းငယ်နေတဲ့ ယု ကို အချို့ကိစ္စတွေမှာ တပည့်ခံပြီး မေးရတာ မျက်နှာတော့ပူပေမယ့် မကြာခနဆိုသလို မေးဖြစ်ခဲ့တယ်။ မေးချင်တာလည်းပါတာပေါ့။ မရှက်တမ်းဝန်ခံရရင်တော့ ယု ရဲ့စူးစူးစိုက်စိုက်အလုပ်လုပ်ပုံကို တွေ့ချင်စိတ်က သာသာလေးကို ပိုပြီးပါလိမ့်မယ်။ နောက်ပြီး ကွန်ပြူတာ စခရင် ကိုလှမ်းကြည့်ဟန်ပြုရင်း ယု ရဲ့ဆံနွယ်လေးတွေကို ဖွဖွနမ်းရှုံ့ရတာတွေ…။

ရုံးကိုအတူသွား အတူပြန်ရင်း ယုနဲ့ကျွန်တော် ပိုရင်းနှီးလာတယ်။ ပိုသိကျွမ်းလာရလေ ပိုစွဲလန်းမိလေပါဘဲ ယုရယ်။ မဖြစ်သင့်ဘူးဆိုတာ သိလျက်နဲ့ ဒီခံစားချက်တွေကို ကျွန်တော် ချိုးနှိမ်ဖို့ မကြိုးစားခဲ့ရက်ဘူးဗျာ။
***

လက်များက တစ်ဆတ်ဆတ် တုန်ခါလျက်ရှိသည်။ စာရွတ်အဖြူပေါ်မှ ‘ယု ပရောဂ ကြောင့်ဘယ်သူကိုမှ စိတ်မထိခိုက်စေချင်ဘူး၊ ညီမလေးကို ပိုလို့တောင် မထိခိုက်စေချင်ဘူး’ ဆိုတဲ့ စကားလုံးလေးတွေက ကျွန်တော့်ကို လှောင်ရီနေသလိုပါဘဲလား။ တကယ့်ပြဿနာအရင်းအမြစ်က ကျွန်တော်ပါ။ ခုလို ယု ရှောင်ထွက်သွားမယ့်အစား ကျွန်တော့်ကို စိတ်ဆိုးလိုက်၊ အပြစ်ပေးလိုက်ပါတော့လား။ ယု စင်ကပူ မှာဘဲ အခြေချတော့မယ်ပြောတုန်းက ဒီလိုဆုံးဖြတ်ရတဲ့ အကြောင်းအရင်းကို ဘာလို့များမစဉ်းစားမိတာလဲ။ ယုရဲ့ဓါတ်ပုံနဲ့ ကျွန်တော့်ခံစားချက်တွေ ရေးသားထားတဲ့ စာအုပ်ကို ဘာလို့များရုံးဗီဒိုထဲမှာ သိမ်းထားခဲ့တာလဲ။ Meeting အတွက်လိုအပ်တဲ့ စာရွက်စာတမ်းတွေ ကျန်ခဲ့တဲ့နေ့က ဘာလို့များ ယု ကိုရုံးပြန်ပြီးသွားရှာခိုင်းမိတာလဲ။ အဖြေရှာမရသော မေးခွန်းများ ခေါင်းထဲတွေ တသီကြီးပေါ်လာသည်။ ညှိုးနွမ်းသော မျက်နှာလေးဖြင့် လေယာဉ်ကွင်း မဆင်းမှီ လက်ပြနေသော ယု ပုံရပ်က တဖန်တိုးဝင်လာပြန်သည်။

အံကိုကျိတ်ထားရင်းမှ မျက်ရည်တစ်ပေါက် စာရွက်ပေါ်သို့…။